ថ្ងៃនេះជាថ្ងៃដែលខ្ញុំបានលាឈប់ពីក្រុមហ៊ុនយ៉ាងពិតប្រាកដ។ តាមពិតខ្ញុំរីករាយណាស់ដែលបានបំរើការងារនៅទីនេះអស់រយៈពេលយ៉ាងយូរគឺ ៤ ឆ្នាំ ៥ខែ។ នៅទីនេះខ្ញុំបានស្គាល់មិត្តរួមការងារដែលល្អៗ ប្រធានក្រុមហ៊ុនដែលតែងតែលើកលែងរាល់កំហុសជាច្រើន ដល់ខ្ញុំ។នៅទីនេះពួកគាត់បានបង្រៀនខ្ញុំជាច្រើនទាំងការងារ សីលធម៌ និង ការយោគយល់អាធ្យាស្រ័យគ្នា។ ទោះបីជាប្រាក់ខែមិនច្រើន តែងតែមានការយឺតយ៉ាវក្នុងការបើកប្រាក់ខែក្តី ក៏ខ្ញុំនៅតែមានការពេញចិត្តនឹងការងារនេះ។ ខ្ញុំពិតជាស្រលាញ់ការងារនេះណាស់។អ្នកដែលនៅជុំវិញខ្ញួនខ្ញុំតែងតែចោទជាសំនួរមកខ្ញុំថា ហេតុអីក៏ទ្រាំធ្វើការងារនេះទៀត? ប្រាក់ខែតិចចឹងធ្វើការ៤ទៅ៥ឆ្នាំហើយ? ខ្ញុំបានប្រាប់ពួកគាត់ទៅវិញថា បើខ្ញុំគិតរឿងប្រាក់ខែជាចំបងនោះ ខ្ញុំឈប់ពីការងារនេះតាំងពី ២ឆ្នាំមុនម៉្លេះ!!! ខ្ញុំមិនទាន់ដល់ពេលចាកចេញនោះទេ................។តែថ្ងៃនេះខ្ញុំត្រូវចាកចេញពីព្រោះខ្ញុំត្រូវទៅធ្វើការនៅបរទេស ដើម្បីគ្រួសារខ្ញុំទៅថ្ងៃមុខ។
ជាចុងក្រោយ នេះខ្ញុំពិតជារីករាយនឹងពេលវេលាដែលធ្វើការនៅទីនេះដូចជាគ្រួសារតែមួយ ហើយខ្ញុំក៏មិនស្តាយដែរ ដែលខ្ញុំបានចំនាញពេលវេលាជាច្រើនឆ្នាំនៅទីនេះ។
Note: ដាក់ពាក្យលាឈប់ ១៥-កក្តដា-២០១៤....មកជួយការងាររហូតដល់ថ្ងៃទី ១៩-កក្តដា-២០១៤.
ធ្វើនៅភ្នំពេញ ថ្ងៃទី ២០ ខែកក្កដា ឆ្នាំ២០១៤
